Club de lectura As Lagoas

EL LIBRO SALVAJE

2012-02-02T09:31:00.001+01:00

Onte tivo lugar unha reunión do Club de lectura para intercambiar opinións sobre a lectura de EL LIBRO SALVAJE.

Comentamos os temas principais, os personaxes máis destacados, os elementos fantásticos e os detalles máis emotivos da historia.

Tamara Sonia contounos que o que más lle fascinou do libro foi a fantasía e a combinación de distintos elementos. “Lo más bonito y conmovedor fue el final en el que el tío le agradece a Juan el haber ido a su casa y haberle ayudado a cambiar un poco su forma de vida”

Pola súa parte, José Estévez sinala “Lo encuentro entretenido y fácil de leer, con unos personajes variados, como el tío que es muy peculiar, y un libro salvaje que es el hilo conductor de toda la historia. Existe también algo de romance entre el protagonista,Juan, y Catalina, lo que hace el libro más tierno y bonito.”

CLUB DE LECTURA

2011-06-03T12:05:00.001+02:00

E, xa como clausura das actividades do club de lectura neste curso, hoxe tivo lugar a última reunión do club de lectura do grupo de 2º ciclo.

A novela escollida nesta ocasión, La ola, suscitou un interesante debate e obtivo un notable éxito, posto que foi puntuada con 9 puntos.

Poñemos punto e final por este curso ás actividades do club de lectura e agardamos que o próximo curso contemos de novo con tan numerosos e entusiastas lectores, moitos dos cales estiveron presentes desde os inicios do Club de Lectura.

Feliz verán e felices lecturas!

REUNIÓN CLUB DE LECTURA

2011-06-03T11:56:00.001+02:00

Xa case rematando o curso, tivo lugar unha nova reunión do club de lectura, neste caso para analizar o libro que estivemos lendo: Unha habitación en Babel.

Logo dunha conversa na que se expuxeron principais temas da novela e intercambiáronse puntos de vista, os lectores puntuaron este libro cun 7, unha nota positiva que demostra o interese suscitado por esta lectura.

LA OLA

2011-03-22T12:17:00.003+01:00

E para os rapaces e rapazas a partir de 3º de ESO, a obra escollida é La Ola. Novela gráfica de Stefani Kampmann, baseada na obra de Morton Rue, editada por TakaTuka

La Ola é unha adaptación da novela de Morton Rhue (pseudónimo de Todd Strasser), baseada en “A terceira Ola”, o polémico experimento sociolóxico levado a cabo nun instituto de California a fins dos sesenta. O profesor Ron Jones explicou durante a clase de historia o período do nazismo e os alumnos non poden entender o comportamento dos alemáns, nin como un só home, Adolf Hitler, puido convencer a todo un país para que o seguise cegamente. Eles nunca terían permitido algo, eles teríanse rebelado contra os déspotas. O profesor decide levar a cabo un experimento para demostrar:

-o doado que resulta que un grupo de persoas siga cegamente a un líder, e

-a facilidade coa que se poden desenvolver comportamentos agresivos e acosadores contra os que non aceptan integrarse no grupo.

A historia pasou da novela ao musical en 2000

Máis tarde foi levada ao cine polo alemán Dennis Gansel.

E agora pasa ao mundo das viñetas nun cómic xuvenil realizado pola berlinesa Stefani Kampmann.

UNA HABITACIÓN EN BABEL

2011-03-22T12:05:00.007+01:00

Xa temos escollidos os novos libros para o Club de Lectura.

Para os Club de 1º e 2º de ESO a lectura proposta é a obra Unha habitación en Babel, de Eliacer Cansino, que obtivo o VI Premio Anaya de Literatura Infantil e Xuvenil.

Velaquí un resumo do contido, tomado da presentación editorial:

“La Torre es el mayor edificio del pueblo, un bloque ácido e inhumano en el que viven tantas personas como en toda la urbanización de casitas adosadas que acaban de construír en las afueras. Personas instaladas en estantes del aire, como libros, cada uno con sus historias, algunas buenas y otras malas, unas a punto de abrirse y otras de cerrarse.

En ella viven Ángel y Gil, Nor y Berta, Rashid y Stéfano. Cada uno en su habitación de la Torre, hablando con su propio acento, pero obligados a entenderse cuando descubren que pertenecen a una misma historia”

REUNIÓN CLUB DE LECTURA

2011-02-15T11:54:00.003+01:00

O venres , 11 de febreiro, fixemos a reunión do CLUB DE LECTURA do Primeiro Ciclo de ESO para comentar o libro proposto, Otra vida para Cristina de Marta Rivera de la Cruz. A novela gustou e dixéronse cousas interesantes dela: de fácil lectura; engancha o dramatismo da historia de Cristina, a nena protagonista, historia que fai que a súa personalidade cambie e comece a ver a vida doutro xeito; tamén engancha o misterio dese segredo familiar, polo que súa nai e súa tía non se falaban. E xa no remate , un alumno fixo unha reflexión intelixente, que cadraría ben como síntese: “ A novela demostra como nun instante nos pode cambiar a vida”.

Entregamos os CARNÉS DE LECTOR ós asistentes novos, bastante numerosos, e anunciamos outra xuntanza para propoñer nova lectura. Este Club de Lectura goza de boa saúde, tanto en entusiasmo como en participación. O contrario estanos a ocorrer co CLUB do Segundo Ciclo e BAC. Este curso semella estar esmorecendo probablemente, entre outras razóns, polo alto número de lecturas, obrigatorias e voluntarias, en moitas das materias dos diferentes cursos.

CLUB DE LECTURA

2010-11-08T16:54:00.008+01:00

Retomamos a actividade do Club de Lectura, mantendo as dúas seccións dos cursos anteriores : unha para os pequenos de 1º e 2º da ESO e a outra, a partir de 3º da ESO.

O venres, 5 de novembro, reunímonos co primeiro grupo para propoñer o libro que imos ler , Otra vida para Cristina da lucense Marta Rivera de la Cruz, finalista do Premio Planeta 2006 coa novela En tiempos de prodigios. A asistencia foi moi numerosa e agardamos á proxima reunión , na que cambiaremos impresións sobre a novela e que faremos antes do Nadal, para comprobar se se mantén o entusiasmo inicial.

OTRA VIDA PARA CRISTINA

Tras perder a sus padres, la vida de Cristina cambia por completo. Tendrá que trasladarse de Madrid a un pueblo de la costa gallega para vivir con su tía Virginia. Allí conocerá a Sara, que se convertirá en su mejor amiga, y a Sergio, un guapo universitario al que considerará el chico de sus sueños. Pero, además, Cristina deberá enfrentarse a un misterio: ¿quién es en realidad su tía Virginia? ¿Por qué su madre y ella se pelearon? Y mientras pasan las semanas, aprenderá que no todo es lo que parece y que uno puede encontrar un nuevo hogar en el sitio más insospechado.

O luns, 8 de novembro, convocamos a reunión co segundo grupo. O libro proposto foi O pintor do sombreiro de malvas de Marcos Calveiro, autor de Vilagarcía de Arousa e Premio Lazarillo 2009 por esta novela.

O PINTOR DO SOMBREIRO DE MALVAS

Un adolescente problemático é enviado pola súa nai dende París a pasar unha tempada counha vella tía na vila de Auvers. Durante a súa estancia, nos meses de verán de 1890, conocerá a Vincent, un pintor que semella beber a vida con cada violenta pincelada sobre o lenzo y do que se fará inseparable durante sesenta e nove días, acompañándoo no seu deambular polos trigais e na súa infatigable loita contra os convencionalismos da vida provinciana. Tamén descubrirá o amor, coñecerá algúns misterios sobre o seu pasado e enfrontarase por primeira vez á morte, o que o obrigará a tomar unha decisión sobre o futuro que o agarda.

REUNIÓN CLUB DE LECTURA

2010-06-10T12:21:00.006+02:00

Hoxe tivo lugar a última reunión neste curso do Club de lectura de 2º ciclo. Nesta ocasión conversamos acerca de El bosque de los pigmeos, de Isabel Allende. Entre bombón e bombón, conversamos acerca da temática, os personaxes, a intriga... Algúns lectores consideraron que se trataba dunha obra excesivamente fantástica, con episodios mesmo inverosímiles. É evidente que se trata de lectores cunha gran capacidade de crítica, que teñen claros os seus puntos de vista. Por iso agardamos que o ano pasado continúen a súa vinculación ao club de lectura porque poden aportar interesantes análises a esta nosa lectura colectiva.

FELIZ VERÁN!

FELICES LECTURAS!

REUNIÓN CLUB DE LECTURA

2010-06-10T12:17:00.007+02:00

Xa rematando o curso realizamos unha nova reunión do club de lectura dos alumnos de 1º ciclo na que, coma sempre, charlamos animadamente acerca da novela.

O próximo ano, a maioría dos alumnos xa estarán en terceiro e, por tanto, poderán inscribirse no club dos máis grandes para continuar comentando e contrastando as nosas particulares visións das obras literarias seleccionadas.

CARTAS DE AMOR

2010-04-26T08:49:00.003+02:00

"As historias deste libro nacen a partir de cartas de amor. Pero non son cartas de amor convencionais. O amor ou o desamor son as desculpas que nos permiten coñecer as dramáticas circunstancias que rodean ás mulleres que as escriben. De feito, os verdadeiros protagonistas das cartas xon a pobreza, a guerra, a inmigración, o franquismo, a violencia, a prostitución, a presión social, a integración…
E quen escriben as cartas son mulleres que viven circunstancias vitais –persoais ou sociais- moi difíciles, ás que se enfrontan con valentía. Este é un libro contundente pero tenro, un canto á vida e á dignidade" (Presentación editorial)

O libro en palabras do autor:

EL BOSQUE DE LOS PIGMEOS

2010-03-22T16:35:00.003+01:00

El bosque de los pigmeos é a terceira novela da triloxía de Las memorias del águila y el jaguar que a autora escribiu pensando nos seus netos. A primeira é La ciudad de las bestias, e a segunda, El reino del dragón de oro.
A obra continúa as aventuras dos seus protagonistas, Nadia e Alexandre, que se trasladan ao corazón da África ecuatorial coa súa avoa Kate para facer un safari. Sen embargo, diversos acontecementos cambiarán os seus plans, como a presenza dos pigmeos, e en concreto o pobo akka, vítima de escravitude por parte dos bantú.

Este é o primeiro libro que se publica en España baixo o lema de LIBROS AMIGOS DOS BOSQUES, promovido por Greenpeace, e impreso con papel procedente de bosques sostibles FSC.

2010-03-22T16:23:00.007+01:00

O club de lectura de 2º ciclo goza de boa saúde, como testemuña o notable incremento de participación que se produciu na última reunión e que obriga á impresión de novos carnets que acrediten a condición de membro do club.

Nesta reunión presentouse o libro que será obxecto de lectura e análise nas próximas datas: El bosque de los pigmeos de Isabel Allende. Agardamos que a súa lectura resulte interesante e que haxa moitas aportacións, tanto nas reunións presenciais como na entrada correspondente neste blog.

CLUB DE LECTURA

2010-02-19T10:01:00.011+01:00

O día 4 de febreiro, reunímonos os do segundo grupo para comentar O señor Ibrahim e as flores do Coran. Unha novela que nos permitiu contrastar puntos de vista en torno a algúns aspectos da mesma. Os participantes realizaron comentarios acerca dos personaxes principais da historia e dos temas máis significativos da mesma.

Unha actividade interesante e, sobre todo, moi enriquecedora.
Animámosvos a todos a participar no CLUB DE LECTURA VIRTUAL deixando os vosos comentarios neste blog.

REUNIÓN CLUB DE LECTURA

2010-02-19T09:42:00.007+01:00

Este curso retomamos a actividade do Club de Lectura e seguimos compartindo lecturas e opinións.
O número de participantes aumentou considerablemente e isto levounos a facer dous clubs diferenciados
 Un para os alumnos de 1º e 2º de ESO
 Outros a partir de 3º.
No primeiro trimestre lemos estas novelas:
El balonazo, de Belén Gopegui
O señor Ibrahim e as flores do Corán, de Eric-Emmanuel Schimtt

Nas reunións comentamos e debatemos acerca dos personaxes e dos temas dos libros seleccionados e contrastamos as nosas visións respectivas.
O 28 de xaneiro tivo lugar a reunión do primeiro grupo.

A SOMBRA DESCALZA

2010-01-25T19:29:00.003+01:00

A sombra descalza, a novela coa que An Alfaya acadou o Premio Lazarillo de Literatura Xuvenil 20055, é unha emocionante historia que xira en torno aos segredos que pesan sobre unha familia e que teñen a súa orixe na Guerra Civil española.
Elsa é unha adolescente que vai ir descubrindo as íntimas traxedias das mulleres da súa familia: a tía avoa Sagrario, a tía Florinda, a avoa Amadora, a súa nai Esperanza. O desencadeante é a morte da tía Sagrario quen durante anos estivo enterrada en vida na propia casa, pola que se movía descalza coma unha sombra.

MARINA

2010-01-22T19:44:00.006+01:00

Carlos Ruiz Zafón é un dos escritores de literatura xuvenil máis lidos na actualidade. A súa carreira literaria iníciase en 1993 con El príncipe de la niebla, do que se falamos en anteriores entradas deste blog, ao tratarse do libro de lectura de lingua castelá na 1ª avaliación.

Na columna dereita podedes atopar o enlace á súa páxina web que nos dá abundante información acerca da súa obra literaria. Podedes tamén picar aquí mesmo: Carlos Ruiz Zafón

Este curso os alumnos de 3º podedes ler varias novelas, que iremos presentando en entradas sucesivas para que poidades deixar os vosos comentarios e opinións persoais acerca de cada unha delas.

Marina é unha novela fantástica que se sitúa en Barcelona en 1979. O protagonista é Óscar Drai, un rapaz de 15 aos que vive nun internado. Nunha das súas escapadas coñece á familia Blau, formada por Marina (de 16 anos) e Germán (de 45). Xunto a eles, Óscar intentará descubrir o misterio do "Velo-Granell", unha vella fábrica ortopédica da Barcelona dos anos 4o.

LAS LUCES DE SEPTIEMBRE

2010-01-22T19:36:00.006+01:00

No ano 2007 Carlos Ruiz Zafón publicou La Trilogía de la Niebla, unha recompilación que comprende as súas primeiras obras:
El príncipe de la niebla (que se atopa en anteriores entradas deste blog)
Las luces de septiembre
El palacio de la medianoche

Las luces de septiembre (1995)é unha historia ambientada na costa francesa de Bahía Azul, durante ov erán de 1937. A protagonista é unha viúva, Simone, que se muda cos seus fillos, Irene e Dorian Sauvelle, desde Paris a unha vila da costa fuxindo das débedas que a morte do seu marido lles quedaron.

Alí coñecen a un misterioso fabricante de xoguetes que vive recluído nunha xigantesca mansión. E tamén se atoparán cun enigma en torno a unhas luces que brillan entre a néboa que rodea a illa do faro. E tamén cunha criatura que se oculta no máis profundo do bosque...

EL PALACIO DE LA MEDIANOCHE

2010-01-22T19:22:00.008+01:00

El palacio de la medianoche (1994) mestura unha historia en tempo real con outra que sucedeu no pasado pero que ten relación co presente dos protagonistas.

A historia presente é a duns rapaces de dezaseis anos -Ben e Isobel- que, despois de toda a vida nun orfanato de Calcuta, teñen que abandonalo. A eles únese outra rapaza, Sheere, irmá de Been, aínda que eles non o saben xa que a súa avoa tivo que separalos por unha historia que pasou anos atrás. Nesta segunda historia coñecemos a Jawahal, un home que traballou co pai de Ben e Sheere, un enxeñeiro moi coñecido, e que, por algunha razón, decide vingarse del nunha estación de tren.

Ben e Sheere deciden enfrontarse a Jawahal.

LA SOMBRA DEL VIENTO

2010-01-22T19:16:00.005+01:00

La Sombra del Viento é a primeira novela para adultos de Carlos Ruiz Zafón, publicada no ano 2001.

É unha novela de misterio ambientada na Barcelona da primeira metada do século XX, na que se combina o suspense coa novela histórica e coa comedia de costumes. Pero é tamén, e sobre todo, unha tráxica historia de amor.

La sombra del viento é a primeira entrega dun ciclo de catro novelas interconectas e ambientadas en Barcelona.

DIARIO DE ANA FRANK

2010-01-22T18:59:00.006+01:00

Diario de Ana Frank é o título dos diarios persoais escritos pola nena xudía Annelies Marie [Anne] Frank, entre o 12 de xuño de 1942 e o 1 de agosto de 1944.

Un total de tres cadernos nos que conta a súa historia de adolescente, escondida dos nazis en Amsterdam durante a Segunda Guerra Mundial. Ana Frank, con trece anos, conta no seu diario, a quen lle chamou"Kitty", a vida da súa familia e doutros xudeos que permaneceron dous anos agochados na "achterhuis" -na casa de atrás- duns almacéns de Amsterdam durante a ocupación nazi de Holanda.

Aínda que ao comezar a lectura xa sabemos ben cal é o desenlace, as súa historia segue emocionando aos lectores de todos os tempos.

LOS ESPEJOS VENECIANOS

2010-01-22T18:49:00.006+01:00

Joan Manuel Gisbert ofrécenos nesta ocasión unha historia de suspense.
O protagonista, Giovanni Conti, trasládase a Padua para estudar na universidade e hospédase na casa dunha anciá, Alessandra, que lle cede unha habitación que ten unha ventá que dá ao patio dun antigo palazzo.
Será certa a maldición que, segundo lle contan, recaeu sobre a familia que habitaba no palazzo? Que foi de Beatrice Balzani, última descendente da familia? Vagará o seu espírito polas habitacións da mansión?
Giovanni decide investigar e entra no palazzo. Decatarase de que, certamente, algo estraño sucede; algo unido aos espellos venecianos.
E será el quen deba descubrir misterio que alí se agocha.

2010-01-18T08:49:00.003+01:00

Irmán do vento, novela de M. Lourenzo González, gañadora do Premio Merlín 2003, é a historia de Khaled, un rapaz dunha apartada aldea do Iraq que, coma outro rapaz calquera, ten unha familia, ten amigos, unha casa, unha vida, ten un amor, ten proxectos. Pero, de súpeto, irrompe a guerra e toda a súa vida cambia dramaticamente.
Trátase dunha novela de aventuras que nos conta o que lle acontece a un rapaz no medio do recente conflicto bélico iraquí.

CAMPOS DE FRESAS

2009-12-28T09:33:00.007+01:00

Campos de fresas es la historia de las 20h que Luci permanece en coma, por motivo de un golpe de calor debido a un éxtasis, la droga de diseño más de moda.

Sus amigos empiezan a reflexionar acerca de que hubiera ocurrido si no hubiesen decidido 'probar' y comienzan a buscar al camello que les subministró la droga, vital para salvar a Luci.

Por otra parte, narra la historia de una chica de la pandilla, bulímica, y de como finalmente logra superar su enfermedad.

No es el típico libro de adolescentes en el que el autor intenta imitar el comportamiento y el argot juvenil sin conseguirlo, es una novela realista sobre las drogas de diseño y las discotecas, su marco propagador, que nos muestra la gran importacia del problema a través de una historia contundente, con un final explosivo.

Contraportada: 'La vida es como un tablero de juegos
y todo depende de las fichas que ecogemos.
Luciana ha elegido mal una ficha
y su partida está a punto de terminar...
¿Podrán sus amigos conseguir
que juegue la prórroga?

O SEÑOR IBRAHIM E AS FLORES DO CORÁN

2009-11-20T19:24:00.001+01:00

O outro libro do club de lectura, neste caso para os cursos superiores, é O señor Ibrahim e as flores do Corán, traducido do francés por Emma Lázare Rodríguez.

Esta obra de Eric-Emmanuel Schmitt forma parte da “Triloxía do invisible”, tres narracións breves en torno ás grandes relixións: Milarepa (sobre o budismo), Oscar e Mamie-rose (sobre o cristianismo) e O señor Ibrahim e as flores do Corán (sobre o xudaísmo e o Islam).

A historia sitúase nos anos 60 nun barrio marxinal de París. Alí residen Momo (un adolescente xudeu, desorientado e orfo de agarimo xa que foi abandonado pola nai e vive cun pai aflixido pola fuxida da súa esposa e sempre preocupado polo seu traballo e polos libros de leis) e Ibrahim (un vello tendeiro musulmán de orixe turca, reflexivo e pausado).

Entre eles xurdirá unha amizade incondicional na que un aporta vitalidade e o outro, sabedoría. A diferenza de relixións fai desconfiar ao principio a Momo pero pouco a pouco confiará nese home solitario e sabio, cunha forma moi particular de ver a vida que lle axudará a enfrontarse ás vicisitudes da súa idade.

A amizade entre ambos personaxes simboliza o encontro entre culturas e difunde unha mensaxe de tolerancia, diálogo e comprensión mutua. Estas dúas persoas, transcenderán os clichés das culturas, os prexuízos das relixións e atoparanse nunha viaxe común pola vida que os encherá de felicidade.

Agardamos que a súa lectura sexa do agrado de todos e animámosvos a participar nas reunións do club de lectura.

Recordamos que tamén se pode participar no club de lectura virtual visitando o noso blog e deixando os vosos comentarios.

EL BALONAZO

2009-11-20T19:16:00.001+01:00

Xa ben iniciado o curso, retomamos as sesións do club de lectura e este ano diferenciamos dous grupos: un para alumnos de 1º e 2º e outro para 3º, 4º, Bacharelato e Tafad.

Os alumnos máis novos lerán nesta ocasión El balonazo, de Belén Gopegui.

O protagonista da historia é Daniel, un neno duns dez anos ao que non lle están indo ben as cousas. Sobre todo porque, ademasi de que está farto de estudar, no fútbol –a súa verdadeira paixón- non ten sorte nin talénto. Os seus amigos “pasan” del á hora de xogar os partidos.
Entón coñece e faise amigo de Maxama, un inmigrante ilegal senegalés que vende discos na rúa. Daniel faille algúns favores e Maxama dálle consellos e trucos para que xogue mellor ao fútbol e, ademais, amosaralle como é a vida en realidade. Cando deteñen a Maxama, Daniel e o seus amigos intervirán.
A lectura deste libros permitiranos dialogar acerca dalgúns temas interesantes:
 Na vida real non sempre gañan os bos.
 Non hai unha segunda parte para arranxar as cousas.
 A importancia dos amigos.
 A dura vida dos inmigrantes ilegais.

En próximas datas reunirémonos para comentar as nosas impresións persoais acerca da novela.

OS BIOSBARDOS

2009-10-27T22:08:00.002+01:00

Os biosbardos é un conxunto de "contos para a xente" nos que Eduardo Blanco Amor presenta a sete rapaces ourensáns de diferentes idades que van contando diversas experiencias persoais. Todos os relatos se sitúan no espazo físico de Auria (trasunto literario da cidade de Ourense) e nos seus arredores. Coñecemos os modos de vida, os costumes, os problemas do Ourense de comezos do século XX.

TRISTES ARMAS

2009-10-17T21:12:00.001+02:00

Esta é a historia dunha carta que nunca chegou ao seu destino. Tamén é a historia de dúas nenas, Harmonía e Rosa, exiliadas en Rusia, de dous amigos que se atopan en bandos opostos, dunha muller loitadora, dun carteiro namorado, dun rapaz empeñado en borrar a tristeza dos ollos dunha rapaza.
É unha historia de fillos separados dos seus pais, de parellas desfeitas, de homes e mulleres zarandeados e maltratados polos ventos do odio.
Pero Tristes armas é sobre todo unha historia de amor.
Tristes armas presenta dende un punto de vista sinxelo e profundamente humano algúns episodios da Guerra Civil, desde o punto de vista dos que non combateron, pero que sufriron as súas terribles consecuencias.

Podedes ler na web da autora algúns comentarios

http://www.marinamayoral.com/libros/tristes.html

CARTAS DE INVERNO

2009-10-17T21:07:00.001+02:00

Aos amantes das historias de misterio gustaravos este libro.

Tareixa Louzao recibe un voluminoso sobre enviado polo seu irmán Xabier desde un lugar Doroña (Vilamaior). No seu interior atopa unha carta e outro sobre fechado. Na carta Xabier indícalle que non abra o sobre e que, en caso de non ter noticias del nunha semana, que llo entregue ao Inspector Soutullo da Comisaría de Vigo. Pero Tareixa non resiste a tentación e abre o sobre. Así atopa as cartas que lle enviara a Xabier o seu amigo o pintor Adrián Louzao nas que lle conta os terribles sucesos que están acontecendo na casa que acaba de mercar.

EL PRÍNCIPE DE LA NIEBLA

2009-10-17T20:54:00.001+02:00

Carlos Ruiz Zafón publica esta novela xuvenil en 1993. A historia transcorre 1943 durante a Segunda Guerra Mundial. O protagonista é Máx, un rapaz de trece anos que se traslada coa súa familia, os Carver, a unha pequena localidade costeira. No seu novo fogar comezan a suceder estraños sucesos relacionados cos anteriores habitantes da casa, sobre todo co falecido neno Jacob.

Se vos gustou esta novela, acabamos de adquirir para vós o resto das obras xuvenís do autor: El Palacio de la Medianoche (1994), Las luces de septiembre (1995) e Marina (1999). Tamén temos La sombra del viento (2002).

LECTURAS PARA O VERÁN

2009-06-25T21:18:00.002+02:00

Por fin chegaron as tan ansiadas vacacións e desde a Biblioteca preparamos para vós unhas propostas de lecturas para o verán.

Estas son as obras seleccionadas para os alumnos de Bacharelato:

Open publication - Free publishing - More holidays

Estas son as propostas para os cursos de ESO

Open publication - Free publishing - More holidays

Todos estes libros están á vosa disposición na biblioteca.
FELIZ VERÁN E FELICES LECTURAS

DECLARACIÓN UNIVERSAL DOS DEREITOS DO LIBRO

2009-06-13T20:43:00.004+02:00

Do blog Clube Virtual de Lectura recollemos a Declaración Universal dos Dereitos do Libro, versión ao galego da redactada pola Asociación de Editores da rexión Centro de Francia.

Artigo 1

Os libros, todos os libros, teñen dereito a existir.

Artigo 2

Os libros son iguais entre eles, sen distinción da súa orixe, fortuna, nacemento, opinión ou editor.

Artigo 3

Todo libro ten dereito á vida, á súa comercialización, á sorte de ser exposto ao lector e ofrecer ao seu autor a posibilidade de ser escoitado e remunerado con xustiza.

Artigo 4

Todos son iguais ante a lei que os somete a igualdade de prezo en calquera lugar onde sexan expostos.

Artigo 5

Todos teñen dereito a que en todos os lugares se recoñeza a súa personalidade, a personalidade do autor e do editor.

Artigo 6

O libro, obra de imaxinación e de investigación, diríxese á imaxinación e ás necesidades do ser humano. Así que non debe ser tratado na súa comercialización como un produto simplemente de consumo.

Artigo 7

O libro é e será garante das nosas liberdades. Non pode en ningún caso ser sometido a aversión sexa polo plantexamento das súas ideas como pola súa misión fundamental de promover o libre intercambio das culturas, as mentalidades e os saberes.

Artigo 8

O libro, portavoz do espírito, da ciencia, de praceres, rexistro do saber, así como obra de creación, debe ser tratado coma un ben indispensable para a cultura, a promoción social e espiritual, a información, e non pode ser tratado como un vulgar obxecto de proveito.

BIBLIO-NOVAS

2009-06-10T18:48:00.002+02:00

Este é o primeiro número de BIBLIO-NOVAS, o Boletín do Equipo de Biblioteca, no que se recollen as actividades desenvolvidas ao longo do curso, entre elas a creación deste blog.

Open publication - Free publishing - More news

NOITE DE VORACES SOMBRAS

2009-06-02T13:54:00.006+02:00

Noite de voraces sombras, conta a historia de Sara, unha rapaza da Coruña que pasa, como cada ano, as vacacións na casa da súa avoa, xa falecida.

A existencia dunha presenza fantasmal no cuarto no que se instala, ata entón prohibido para ela, lévaa a descubrir unha difícil historia de amor durante os anos da Guerra Civil Española. Unha época na que os soños afundian e o amor e a felicidade non tiñan cabida.

Será interesante coñecer a opinión doutros lectores acerca desta obra, xa que mostra un feito histórico que condiciona en certa parte o desenvolvemento do relato.

Ademáis , seguro que vos resulta unha lectura facil e entretida; combina amor e historia, cunha pinga de intriga.

Un saudo e boa lectura!

REUNIÓN DO CLUB DE LECTURA

2009-06-01T09:00:00.015+02:00

O pasado xoves reunímonos os membros do club de lectura para realizar un intercambio de opinións acerca do libro que estivemos lendo: Poderosa.

Entre outros temas, comentamos acerca do interesante personaxe da avoa, que rompe cos esquemas típicos dun persoa da súa idade e que se converte na amiga e confidente da neta.

Tamén abordamos o tema dos coidados estéticos, dos piercings, das relacións de parella... E, sobre todo, falamos da importancia que teñen as palabras, que son precisamente o que nos identifica como humanos e nos afasta doutras especies animais.

Esperamos impacientes a anunciada estrea da película aínda que coa dúbida de se nos gustará tanto como nos gustou este libro.

LA SOLEDAD DE LOS NÚMEROS PRIMOS

2009-05-29T23:09:00.004+02:00

O autor deste novela, o turinés Paolo Giordano, é licenciado en Física Teórica e recorre á linguaxe matemática para expresar a dor e a soidade de dous personaxes traumatizados por senllos episodios dramáticos da infancia.

Os números primos, divisibles por 1 e por si mesmos, aparecen cada vez máis afastados na serie dos números naturais, pero acaban formando unha parella de primos xemelgos, que son aqueles que están moi xuntos pero separados por un número par. Por exemplo, o 11 e o 13, o 17 e o 19...

Esta é a fórmula que se aplica á vida de Alice (quen na infancia sofre un accidente de esquí que lle provocará unha coxeira permanente) e de Mattia (que terá que vivir co sentimento de culpabilidade pola desaparición da súa irmá).

Unha historia interesante, que mantén a tensión ata o final e que non deixa indiferente a ninguén.

EN TIEMPOS DE PRODIGIOS

2009-05-20T17:20:00.005+02:00

Hai un días unha lectora recomendounos a novela de Marta Rivera de la Cruz En tiempo de prodigios.

Pois, aquí está. Xa a temos na biblioteca á disposición de todos os interesados.

Seguiremos pendentes das vosas suxestións.

CREPÚSCULO

2009-04-19T17:48:00.009+02:00

"Hay tres cosas de las que estoy completamente segura. Primera, Edward es un vampiro. Segunda, una parte de él se muere por beber mi sangre. Y tercera, estoy total y perdidamente enamorada de él"

(Crepúsculo, Stephenie Meyer)

Como o prometido é débeda, xa temos na biblioteca os libros da serie Crepúsculo, de Stephenie Meyer, que moitos de vós nos pedistes e estabades agardando.

Esta saga literaria leva vendidos uns 42 millóns de exemplares e constitúe un dos maiores éxitos editoriais. Sodes moitos os que os lestes e os que os estades lendo. E tamén moitos os que xa vistes a película.

E para os que aínda non o fixestes: Crepúsculo, Lúa nueva, Eclipse e Amanecer, están xa agardando por vós nos seus andeis.

Disfrutádeos!

AS VOSAS RECOMENDACIÓNS

2009-04-19T17:06:00.003+02:00

Que libro nos poderiades recomendar? Cal é ese libro ou libros que lestes (ou estades agora lendo agora mesmo) e que vos resultou moi interesante?
Neste apartado podes compartir con todos nós os vosos gustos literarios.
Picade en Comentarios e deixádenos as vosas recomendacións de lectura.
Se non os temos na biblioteca, veremos a maneira de conseguilos para poñelos á disposición de todos.

A TRILOXÍA MILLENIUM

2009-04-15T21:57:00.014+02:00

Na biblioteca contamos desde hai unhas semanas cos dous primeiros libros da triloxía Millenium do sueceo Stieg Larson. Trátase de Los hombres que no amaban a las mujeres e La chica que soñaba con una cerilla y un bidón de gasolina, xa convertidos en fenómenos literarios e merecedores de numerosas críticas e reseñas en todo o mundo.

O primeiro volume é unha magnífica novela negra protagonizada polo periodista de investigación Mikael Blomskvist, que traballa na revista Millenium. Ao seu lado Lisbeth Salander, unha rapaza de difícil carácter, extraño aspecto e extraordinaria intelixencia que traballa como investigadora privada. Mentiras, violencia, intriga, e sobre todo un misterio de hai máis de trinta anos e que se nos desvelará nas últimas páxinas. Narrada cun ritmo moi áxil, é unha historia que engancha e que, malia as súas máis de 600 páxinas non podemos parar de ler ata rematar.

Na segunda parte, Mikael prepara unha reportaxe sobre tráfico e prostitución de mulleres da Europa do Este, e Lisbeth abandonou Estocolmo e desapareceu sen dar explicacións. Parece que as súas vidas se separaron, pero volverán a confluír novamente.

Para poder ler o último libro, La reina en el palacio de las corrientes de aire, deberemos agardar á súa publicación.

Para os interesados, velaquí uns enlaces con interesante información: ttp://www.serielarsson.com/index.php

http://es.wikipedia.org/wiki/Los_hombres_que_no_amaban_a_las_mujeres

A primeira parte xa foi levada ao cine, dirixida por Niels Arden Oplev e xa foi estreada no norte de Europa. Aquí a estrea está prevista para o 29 de maio. Este é o cartel da película.

CHAMANDO ÁS PORTAS DO CEO

2009-04-07T22:32:00.002+02:00

Eu quero recomendar este libro que acabo de ler. Trata dunha rapaza de dezanove anos que decide ir no verán á India de cooperante. Ten que enfrontarse á despedida do noivo, do pai, ó que non lle parece ben a viaxe da súa filla, da súa nai e do seu irmán. Alí coñece a unha famosa doutora, Elisabeth Roca, que ten un hospital; a Mahendra, un príncipe indio que perdeu á súa muller e ós seus fillos; a Leo, cooperante español; a Viji, unha rapaza india coxa e cega dun ollo.

Con esta novela aprendemos un pouco da cultura india: os seus costumes (vodas concertadas), a vestimenta (sari das mulleres)... Este libro fainos reflexionar sobre a pobreza india e a falta de medios no hospital e do importante labor dos cooperantes.

Esta historia lémbrame a un conto que lin o ano pasado chamado Usha e tamén á película Slumdog Millionaire, gañadora de oito Oscars este ano.

O título procede dunha canción de Bob Dylan

SIN NOTICIAS DE GURB

2009-03-27T12:42:00.006+01:00

Esta novela de Eduardo Mendoza publicouse por entregas no diario El País durante o verán de 1990 e recuperaba así a vella tradición da "novela folletinesca" do século XIX. Ao ano seguinte publícase xa como libro.

A obra relata as aventuras dun extraterrestre na cidade de Barcelona en busca do seu compañeiro Gurb, quen, tras adoptar a apariencia de Marta Sánchez, deixa de enviarlle noticias.

Consta de 15 capítulos en forma de diario, redactado como os informes de ciencia-ficción. Eduardo Mendoza parodia así as historias documentadas das novelas de ciencia-ficción e pretende dar a sensación de que as descricións que fai o extraterreste son obxectivas e verosímiles.

Ademais do castelán, na novela aparece outro código de comunicación: a linguaxe en clave dos extraterrestres, formado por letras, números e signos sen orde nin significado.

Nesta novela Mendoza leva ata os últimos extremos o seu gusto pola crítica paródica (burlesca e irónica), rozando o humor absurdo.

Unha lectura interesante e divertida.

EL LECTOR

2009-03-16T22:42:00.005+01:00

Xa contamos na biblioteca cun exemplor de El lector (Der Vorleser, en alemán, literalmente "o lector en voz alta"), novela escrita polo berlinés Bernhard Schlink. Foi traducida a trinta e nove idiomas e nela baseuse a película The reader, dirixida por Stephan Aldry, e coa que Kate Winslet acaba de gañar o seu Óscar á mellor actriz.

A historia sitúase na segunda metade do século XX en Alemaña e o personaxe principal é Michael Berg, quen conta a relación amorosa que tivo aos 15 anos cunha cobradora de tranvía chamada Hanna Schmitz, de 36. Nos seus encontros, Hanna sempre lle pide a Michael que lle lea en voz alta obras clásicas.

Anos despois, Michael acode a un xuízo contra cinco mulleres acusadas de crimes nazis. Unha das acusadas é Hanna e deste modo Michael descobre que a muller á que el amou traballou como carceleira no campo de concentración de Auschwitz durante a Segunda Guerra Mundial e está sendo xulgada como presunta responsable da morte de varias prisioneiras xudías.

Deste modo, a novela trata acerca do amor, o holocausto, a culpa, a vergoña, a piedade...

Unha interesantísima historia, que abre moitas e diversas lecturas.

Velaquí un trailer da película:

CAPERUCITA EN MANHATTAN

2009-03-14T21:23:00.007+01:00

Unha das lecturas propostas este curso polo Departamento de lingua castelá é Caperucita en Manhattan, de Carmen Martín Gaite.

Trátase dun conto moderno construído a partir do coñecido conto popular de Perrault ou dos irmáns Grimm.

A protagonista é Sara Allen, unha nena de dez anos que vive cos seus pais en Brooklyn, Nova York. Cada noite soña con cruzar o río Hudson para ir ver a súa avoa -Rebeca Little-, unha velliña chiflada e marabillosa, ex-estrela de Broadway, que vive na illa de Manhattan. Un día, por fin, emprende a viaxe en dirección á casa da avoa para levarlle a famosa tarta de amorodos que elabora a súa nai. Durante o percorrido atoparase co lobo -míster Woolf, un pasteleiro multimillonario- e tamén cunha misteriosa muller -Miss Lunatic, unha mendiga que de día vive oculta na estatua da Liberdade e que sae de noite para axudar ás xentes da cidade-.

É unha historia deliciosa e divertida e ten un interesante final que supón todo un canto á liberdade.

O libro conta, ademais, con debuxos realizados pola propia autora.

Que vos pareceu a obra?

ESPECIAL NOVELA NEGRA

2009-03-14T16:20:00.008+01:00

Na Biblioteca temos estes días unha interesante exposición de novela negra. Atoparedes un variado grupo de novelas caracterizadas pola presenza dun detective que tenta resolver un enigma de tipo criminal.
Entre os autores representados destacan os británicos Conan Doyle (creador de Sherlock Holmes) e Agatha Christie, o italiano Camilleri, os españois Vázquez Montalbán e Eduardo Mendoza, os galegos Carlos Reigosa, Domingo Villar, e un longuísimo etcétera.
Ao seu lado figuran algúns títulos recentes e de notable éxito, como as dúas primeiras novelas da xa famosísima serie Millenium: Los hombres que no amaban a las mujeres e La chica que soñaba con un bidón de gasolina.

Tamén temos varias películas baseadas nalgunhas das máis coñecidas novelas deste xénero.

Animámosvos a visitar a exposición e a levar en préstamo para a vosa casa algúns dos libros ou películas que seleccionamos para vós.

E, por suposto, agardamos os vosos comentarios.

PODEROSA

2009-03-14T16:06:00.009+01:00

SÉRGIO KLEIN, Poderosa. Diario dunha rapaza que tiña o mundo na man
Edicións Xerais de Galicia
Colección: Fóra de xogo
2008
Tradutora: Mercedes Pacheco.
Nº páx: 256

Esta novela é un dos maiores éxitos da actual literatura xuvenil no Brasil. É a primeira entrega dunha serie da que xa se publicaron catro títulos. Actualmente prepárase a súa adaptación cinematográfica.
A protagonista é Joana Dalma, unha rapaza de 13 anos, que soña con ser escritora. Vive cos pais que están a punto de separarse, un irmán pequeno e a avoa enferma.Un día descobre –a través dunha vidente- a súa capacidade para decidir o futuro e mesmo para cambiar o pasado. O seu poder está na escrita: ela pode volver realidade todo o que escribe.Esta capacidade cambiará a súa vida, pero tamén lle traerá problemas que tentará resolver escribindo de novo.

Esta novela parécenos moi interesante e ademais permítenos reflexionar acerca de diversos temas. Por exemplo:
-As relacións persoais: familia, compañeiros, amizades…
-O poder da palabra escrita, o poder de Joana para converter en realidade todo o que está escrito.Ø As relacións avós-netos.
-O feminismo. O comportamento da nai.
-O cumprimento dos desexos. Será certo que o peor que nos pode pasar é que se cumpran todos os nosos desexos?
-A capacidade de adiviñación: os videntes.
-Brasil-Galicia, as relacións entre dous países que comparten orixe lingüística.
-Os traumas infantís.
-Os problemas da adolescencia. É a adolescencia, un “carnaval de hormonas”?
-A importancia da imaxe: perruquería, cosméticos e operacións de estética.
-Os piercings. Moda e perigos.

E vós que opinades desta novela?