O SEÑOR IBRAHIM E AS FLORES DO CORÁN
O outro libro do club de lectura, neste caso para os cursos superiores, é O señor Ibrahim e as flores do Corán, traducido do francés por Emma Lázare Rodríguez.
Esta obra de Eric-Emmanuel Schmitt forma parte da “Triloxía do invisible”, tres narracións breves en torno ás grandes relixións: Milarepa (sobre o budismo), Oscar e Mamie-rose (sobre o cristianismo) e O señor Ibrahim e as flores do Corán (sobre o xudaísmo e o Islam).
A historia sitúase nos anos 60 nun barrio marxinal de París. Alí residen Momo (un adolescente xudeu, desorientado e orfo de agarimo xa que foi abandonado pola nai e vive cun pai aflixido pola fuxida da súa esposa e sempre preocupado polo seu traballo e polos libros de leis) e Ibrahim (un vello tendeiro musulmán de orixe turca, reflexivo e pausado).
Entre eles xurdirá unha amizade incondicional na que un aporta vitalidade e o outro, sabedoría. A diferenza de relixións fai desconfiar ao principio a Momo pero pouco a pouco confiará nese home solitario e sabio, cunha forma moi particular de ver a vida que lle axudará a enfrontarse ás vicisitudes da súa idade.
A amizade entre ambos personaxes simboliza o encontro entre culturas e difunde unha mensaxe de tolerancia, diálogo e comprensión mutua. Estas dúas persoas, transcenderán os clichés das culturas, os prexuízos das relixións e atoparanse nunha viaxe común pola vida que os encherá de felicidade.
Agardamos que a súa lectura sexa do agrado de todos e animámosvos a participar nas reunións do club de lectura.
Recordamos que tamén se pode participar no club de lectura virtual visitando o noso blog e deixando os vosos comentarios.
A única pega que lle poría a este libro, é que está moi pouco desenrolado. Polo demais gustoume bastante, sobre todo a mensaxe do final, cando Momo descobre que era o que estaba dentro da quel corán, do que el non entendía nada,e que lle facía ó seu amigo atopar sempre a felicidade.
ResponderEliminarO libro gustoume moito,en especial porque nunca lera un libro inspirado nesta época.Momo é un adolescente bastante peculiar pero coa axuda do señor Ibrahim conseguirá comprendelo "corán".
ResponderEliminarEu tamén penso que a única pega que lle poría ó relato é a súa brevidade, a pesar de que nas escasas sesenta páxinas que ten cóntanse moitas cousas e moi intensas. É un libro que da moito que pensar acerca da nosa propia vida, facéndonos reflexionar acerca do que temos, e do que non teñen os que mellor saben desfrutar cada momento.
ResponderEliminarCreo que moita xente debería ler este libro, a sabendas de que poucos sacarían algo en limpo (e non polo libro, que está moi ben).