Reunión Tardes con Margueritte

Reunimonos un grupo de alumnos dos maiores e profesores do Club de Lectura para compartir impresións e opinións sobre a novela “Tardes con Margueritte” de Marie- Sabine Roger . Destacamos o pracer que dá ler obras ben escritas, nas que se ve como o diferente pode dar froitos interesantes.


A historia trata sobre a relación entre dous personaxes moi afastados aparentemente: un home rudo, primario, con pouca formación e nada lector, e una muller velliña xa, moi culta, educada, formada e delicada.Van creándose entre eles uns lazos que fan que o personaxe masculino vaia enchéndose de ganas de ler e de volver a reunirse coa súa amiga; a muller , pola súa, parte séntese ben compartindo os seus coñecementos sobre a vida e a lectura e comunicándose abertamente con alguén moi distinto a ela.

Coincidimos en recomendar, sen dúbidas, esta novela a aqueles que queiran pasar um bo rato lendo.