SIN NOTICIAS DE GURB
Durante o recreo do mércores 28 de novembro celebramos a segunda reunión do Club de Lectura para os maiores ( 2º ciclo da ESO e 1º de Bacharelato). Un grupo de alumnos de 3º e 4º da ESO e 1º de Bacharelato asistiron á Biblioteca para comentar a lectura de “Sin noticias de Gurb” do autor catalán Eduardo Mendoza. Catro profesores do equipo de Biblioteca do Centro traballaron nesta ocasión coma guías do encontro e tamén participaron coas súas opinións.
Repasamos xuntos, alumnos e profesores asistentes, a gran cantidade de aventuras que corre o alieníxena polas rúas da Barcelona previa ós Xogos Olímpicos. Non faltaron os comentarios sobre toda a carga crítica que inclúe o autor á nosa sociedade con esta hilarante historia: as molestas obras preparatorias do acontecemento deportivo futuro na cidade, os diferentes personaxes coas súas peculiaridades que o protagonista escolle para si cando ten que facer algunha misión na súa procura do compañeiro Gurb.
Comentarios
Publicar un comentario