REUNIÓN CLUB 2º CICLO
O pasado día 18 de Decembro, reunímonos o
grupo de Lectura do 2º ciclo da ESO, e comentamos o libro que limos no primeiro
trimestre, Eleanor and Park. A todos nos conmoveu esta historia de adolescentes outsider, historia
de amor tenra e especial, pero tamén dramática e difícil debido á situación de Eleanor, cunha nai irresponsable e conformista e cun padrastro
cruel e perverso. Por enriba, os seus compañeiros búrlanse dela e
rexéitana pola súa vestimenta e exceso de peso. Coñecer os problemas
familiares e sociais de Eleanor, levounos a reflexionar o afortunados que somos
coa nosa familia e cos nosos compañeiros e amigos.
Esperamos que o libro que vamos ler no 2º
trimestre (Ollos de auga, de Domingo Villar) tamén nos resulte interesante e
gratificante.
Comentarios
Publicar un comentario