MIÑA QUERIDA SHEREZADE

O venres, día 20, os integrantes do Club de Lectura de 1º de ESO comezamos unha nova obra: Miña querida Sherezade, de Andrea Maceiras. Esta novela conta a historia dun vello exemplar de As Mil e unha Noites publicado pola Editorial Calleja en 1908. Temos a fortuna de contar cun exemplar dese vello libro, o mesmo que inspirou a escritora para imaxinar esta fermosa historia acerca dos libros e da lectura.

A lectura dará pé para diversas actividades, entre elas a de coñecer outras obras que tamén se basearon en As mil e unha noites, comoº: Chamádeme Simbad, de Francisco Castro (xa coñecida polo alumnado de 1º) ou Alí Babá, Morxiana e os corenta usureiros, de Marilar Aleixandre, porque os libros tamén fan amigos.